ഡ്രംസിൽ നിന്നും കീബോർഡിലെത്തി ലോക വിസ്മയം തീർത്ത് സ്റ്റീഫൻ ദേവസി

കോഴിക്കോട് : ( www.truevisionnews.com) "ഡ്രംസ് പഠിക്കാനുള്ള ആഗ്രഹത്തിൽ നിന്നും അച്ഛൻ്റെ നിർബന്ധപ്രകാരമായിരുന്നു ഞാൻ കീബോർഡ് തിരഞ്ഞെടുത്തത്" എന്ന് സ്റ്റീഫൻ ദേവസി. മാധ്യമ പ്രവർത്തകൻ ഷിബു മുഹമ്മദുമായി നടത്തിയ 'ഒരു കീബോർഡിസ്റ്റിൻ്റെ സംഗീതയാത്ര' എന്ന ചർച്ചയിലാണ് സ്റ്റീഫൻ ഡ്രംസ് പഠിക്കാനുള്ള ആഗ്രഹത്തിൽ നിന്നും കീബോർഡിലേക്കെത്തിയ അനുഭവം പങ്കുവെച്ചത്.

Also read: വടകരയിൽ കിണറ്റിൽ വീണ് അഞ്ചുവയസുകാരന് ദാരുണാന്ത്യം, കൂടെ വീണ മറ്റൊരു കുട്ടി അത്ഭുതകരമായി രക്ഷപ്പെട്ടു

പിയാനോയും ചർച്ചും എന്നതിലും ദൈവവും സംഗീതവുമാണ് ബന്ധപ്പെട്ടിരിക്കുന്നത്. ആത്മീയാന്തരീക്ഷം കൊണ്ടുവരുന്നത് സംഗീതമാണെന്നും സംഗീതം ദൈവികമാണെന്നും സ്റ്റീഫൻ പറഞ്ഞു. അമ്പലത്തിലെ പരിപാടിയായാലും പള്ളിയിലെ പരിപാടിയായാലും താൻ പോകുമെന്നും സംഗീതം താൻ ജീവിതമാക്കിയതാണെന്നും അദ്ദേഹം കൂട്ടിച്ചേർത്തു.

കീബോർഡും ഗിറ്റാറും വന്നതോടെയാണ് ലോകോത്തര സംഗീതം ഇന്ത്യയിലെത്തിയതെന്ന് സൂചിപ്പിച്ചുകൊണ്ട് കീബോർഡ് ഇന്ത്യൻ സംഗീതത്തോട് യോജിക്കുന്നില്ല എന്ന പൊതു അഭിപ്രായത്തിനു അദ്ദേഹം മറുപടി നൽകി. ബാലഭാസ്കറിന്റെ വയലിനിലെ മാന്ത്രികതയും ചർച്ചയുടെ വിഷയമായി.

#StephanDevassy #world #storm #drums #keyboards #KLF